Xəbərlər arxivi
Xəbərlər arxivi
-
26.11.2020 Artıq “Asan İmza”nı Kapital Bank filiallarında əldə etmək mümkün oldu
Kapital Bank mövcud korporativ müştərilərin, eləcə də bank hesabı açmaq üçün filiallara müraciət edən sahibkarların və hüquqi şəxslərin xidmətdən rahat şəkildə faydalanmasını təmin etmək üçün daha bir yeniliyi təqdim edir. Belə ki,
Artıq “Asan İmza”nı Kapital Bank filiallarında əldə etmək mümkün oldu
Kapital Bank mövcud korporativ müştərilərin, eləcə də bank hesabı açmaq üçün filiallara müraciət edən sahibkarların və hüquqi şəxslərin xidmətdən rahat şəkildə faydalanmasını təmin etmək üçün daha bir yeniliyi təqdim edir.
Belə ki, hesab açmaq və digər innovativ bank xidmətlərilə yanaşı, artıq “Asan İmza”- gücləndirilmiş mobil elektron imzanı əldə etmək istəyənlər, vergi idarələrinə və “ASAN Xidmət” mərkəzlərinə getmədən filialda bunu həyata keçirə biləcəklər.
Hələlik bu xidmət Kapital Bank-ın Mərkəz, Yasamal, Gənclik, Nəsimi, Səbail və Xətai filiallarında mümkündür. Bunun üçün müştərinin aktiv Bakcell və ya Nar mobil nömrəsinin olması zəruridir. Məlumat üçün bildirək ki, gücləndirilmiş mobil elektron imza -“Asan İmza”sı olanlar, müxtəlif əməliyyatlarını onlayn həyata keçirə və sənədləri elektron formada imzalaya bilərlər. Bununla da müştərilər Kapital Bank-ın Müştəri Bank sistemi vasitəsilə banka gəlmədən və vaxt itirmədən hesablarına nəzarət edə və bir sıra əməliyyatlar həyata keçirə biləcəklər.
Qeyd edək ki, Müştəri Bank vasitəsilə rahat və təhlükəsiz şəkildə bir sıra xidmətlərdən istifadə etmək mümkündür: onlayn rejimdə hesablara nəzarət, çıxarışların əldə edilməsi, sərəncamlar haqqında məlumat, ölkə daxili və ölkə xarici nağdsız köçürmələr, konvertasiya əməliyyatları, biznes kart köçürmələri, əmək haqqı kartlarına mədaxil, əmək haqqı kartlarının sifarişi və s. Qanunvericiliyə əsasən “Asan İmza” əl imzasına bərabərdir və buna görə istifadəçilərin identifikasiyası ilə bağlı bütün prosedurlar, təhlükəsizliyin təmin edilməsi, kriptoqrafiyanın bütün dünya standartlarına uyğunluğa görə istifadəçilərin maraqlarının təmin edilməsi baxımından ciddi şəkildə riayət olunur.
Kapital Bank Azərbaycanda fəaliyyət göstərən filiallarının sayına görə ən böyük bank hesab edilir. Belə ki, Kapital Bank respublika üzrə 102 filialı və 17 şöbəsi ilə müştərilərin xidmətindədir. “Asan İmza” mobil elektron imzanın Kapital Bankın məsafədən elektron xidmətlərinə tətbiqi, yerlərindən asılı olmayaraq əhalinin bütün təbəqələri üçün maliyyə xidmətlərinə geniş əlyetərlilik imkanı yaradacaq və ən əsası Azərbaycanda rəqəmsal xidmətlərin təhlükəsizliyinin təmin olunmasına böyük töhfə verəcəkdir.
-
23.11.2020 Azərbaycanın Rəqəmsal Ticarət Qovşağı və “Asan İmza” BMT-nin SPECA İQTİSADİ FORUMU 2020-də təqdim olundu
18-19 noyabr tarixlərində BMT-nin Asiya və Sakit Okean üçün İqtisadi və Sosial Komissiyası (UNESCAP), BMT-nin Avropa İqtisadi Komissiyası (UNECE) və BMT-nin Mərkəzi Asiya Ölkələrinin İqtisadiyyatı üçün Xüsusi Proqramı (SPECA) nümayəndə heyətlərinin rəhbərləri
Azərbaycanın Rəqəmsal Ticarət Qovşağı və “Asan İmza” BMT-nin SPECA İQTİSADİ FORUMU 2020-də təqdim olundu
18-19 noyabr tarixlərində BMT-nin Asiya və Sakit Okean üçün İqtisadi və Sosial Komissiyası (UNESCAP), BMT-nin Avropa İqtisadi Komissiyası (UNECE) və BMT-nin Mərkəzi Asiya Ölkələrinin İqtisadiyyatı üçün Xüsusi Proqramı (SPECA) nümayəndə heyətlərinin rəhbərləri ilə birlikdə virtual rejimdə “COVID-19 pandemiyasından sonra sosial-iqtisadi dirçəlişin dəstəklənməsində regional əməkdaşlıq” mövzusunda SPECA İQTİSADİ FORUMU – 2020 keçirdi.
SPECA-nın əsas məqsədi – SPECA regionunda iqtisadi əməkdaşlığın inkişafına kömək; SPECA-ya üzv ölkələrin dünya iqtisadiyyatına inteqrasiyası və Davamlı İnkişaf Məqsədlərə (DİM) nail olmaq məqsədilə transsərhəd əməkdaşlıq üçün platformanın təqdim edilməsindən ibarətdir.
COVID-19 pandemiyasının yaratdığı iqtisadi böhran, SPECA ölkələri də daxil olmaqla, dünya cəmiyyətləri və ölkələrinə ciddi ziyan vurdu. Böhran səbəbilə istehsalın pozulması, məşğulluq və əhalinin gəlirlərində kəskin azalma baş verdi. Bununla yanaşı özünütəcrid və lazımi lokdaun tədbirləri sosial-iqtisadi problemləri daha da artırdı və DİM-lərə çatma perspektivləri üçün proqnozu xeyli aşağı saldı. SPECA-ya üzv ölkələr olan Əfqanıstan, Azərbaycan, Qazaxıstan, Qırğızıstan, Tacikistan, Türkmənistan və Özbəkistan nümayəndələri bu mövzuda dəyərli məruzələrini təqdim edərək, bu mövzu üzrə fikirlərini söylədilər.
Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktoru cənab Vüsal Qasımlı COVID sonrası və münaqişədən sonrakı vacib dövrlər üçün bərpa işlərilə bağlı hökumətin planları barədə çıxış etdi. O, Azərbaycan torpaqlarının tamamilə azad edilməsindən sonra istifadə ediləcək yeni strateji yol xəritələrini təqdim etdi. Cənab Qasımlı ölkədə tətbiq olunan rəqəmsal texnologiyaların əhəmiyyətini vurğuladı: “Azərbaycan, transsərhəd və sənədsiz ticarətin asanlaşdırılması üçün hərtərəfli və effektli olacaq infrastruktur yaratdı. Azərbaycan Rəqəmsal Ticarət Qovşağının elektron Rezidentlik və mobil Rezidentlik proqramları dünyanın hər yerindən olan sahibkarlara yaşadıqları məkandan asılı olmayaraq Azərbaycanda işlərini qurmağa və idarə etməyə imkan verəcəkdir. Bu proqramlar sayəsində istifadəçilər hökumət tərəfindən təqdim edilən rəqəmsal ID kartlarından istifadə edərək Rəqəmsal Ticarət Qovşağının transsərhəd elektron xidmətlərinə əlyetərlik əldə edə biləcəklər. Qeyd etmək vacibdir ki, heç kəs bizim texnologiya strategiyamızdan kənarda qalmır və Rəqəmsal Ticarət Qovşağı bütün maraqlı tərəflərlə – dövlət və özəl sektoru təmsil edən təşkilatlarla qarşılıqlı əlaqələr yaradır, eləcə də davamlı yenidənqurma işlərində də böyük rol oynayır”. Cənab Qasımlı, başqa bir innovativ layihə olan azexport.az-dan da danışdı. O, qeyd etdi ki, bu layihə də Azərbaycan mallarının və xidmətlərinin böyük bir rəqəmsal bazarıdır, onun vasitəsilə Azərbaycan biznesi yeni bazar sahələrinə çıxa, eləcə də ticarət və ixracatı genişləndirə bilər.
Azərbaycandan daha bir nümayəndə “Asan İmza” mobil elektron imzanın texniki operatoru və Azərbaycan Rəqəmsal Ticarət Qovşağının (RTQ) partnyoru olan B.EST Solutions şirkətinin təsisçisi və direktoru xanım Jana Krimpe idi. Xanım Krimpe “İqtisadiyyatın hərtərəfli və effektli şəkildə bərpası üçün transsərhəd ticarətin və sənədsiz ticarət prosedurlarının sadələşdirilməsi” adlı III Sessiyada RTQ-nin tətbiqi ilə bağlı ətraflı təqdimat etdi. RTQ – İqtisadi İslahatların Təhlili və Kommunikasiya Mərkəzi, PAŞA Bank, B.EST Solutions və AzerTelecom arasında dövlət-özəl tərəfdaşlıq konsorsiumu hesab edilir. RTQ – həm dövlət, həm də özəl sektorun nümayəndələrinin rəqəmsal işçilər, frilanserlər və sahibkarlar üçün əlverişli iş mühitinin yaradılması məqsədilə görüşdükləri mərkəzdir. Xanım, bu layihənin həm regionda, həm də dünyada əhəmiyyətini vurğuladı. O, bildirdi ki, RTQ-nin gələcək inkişafı COVID sonrası dövrdə ölkənin sosial, iqtisadi və maliyyə sektorlarında rəqəmsal texnologiyanın köməyilə bərpa olunmasına davamlı olaraq təsir göstərəcəkdir.
Xanım Krimpe, eyni zamanda m-Rezidentlik layihəsindən də bəhs etdi: “Biz, dünyada unikallığı ilə ilk və Estoniyadan sonra e-Rezidentlik – virtual rezidentlik layihəsində ikinci olan bu layihənin işə başlaması ilə çox qürur duyuruq. Qeyd etmək istərdik ki, bu layihə dünyadakı hər bir insanın iqtisadiyyatımızda iştiraka cəlb edilməsi üçün xüsusi əhəmiyyət kəsb edir”. Bu proqram vasitəsilə hər kəs yaşadığı məkandan asılı olmayaraq, Azərbaycanda şirkət yarada və istifadədə lazımi bank xidmətlərinə sahib ola biləcəkdir. Jana Krimpe, eyni zamanda Azərbaycan torpaqlarının erməni işğalından azad edilməsinin yeni iqtisadi inkişaf dövrünün başlanğıcı olacağını və transsərhəd sənədsiz elektron ticarət üzrə tədbirləri əhəmiyyətli dərəcədə sürətləndirəcəyini də qeyd etdi.
O, pandemiyanın təsirindən də danışdı: “… COVID-19 dövründə onlayn tranzaksiyaların sayı nəzərəçarpacaq dərəcədə artdı və bu prosesə ölkənin bütün strukturları cəlb olundu. Beləliklə, bu strukturlar sürətlə uzaq məsafədən qoşulma xidmətlərini göstərməyə başladılar. Hökumət dərhal reaksiya göstərərək təcrid zamanı vətəndaşlara xidmət etmək üçün çox sayda yeni onlayn xidmətlər yaratdı”. O, Azərbaycanın bu cür fövqəladə hallarda operativ reaksiya nümunəsinin digər ölkələr üçün də aktual ola biləcəyini vurğuladı. Xanım Krimpe qeyd etdi ki, e-ticarət üzrə işlərin sürətləndirilməsi üçün siyasi marağın olması çox vacibdir və hökumət – infrastruktur, elektron ticarət və transsərhəd xidmətlərin inkişafında aparıcı rol oynayır.
Yuxarıda göstərilən faktlarla əlaqədar olaraq, BMT-nin Tacikistandakı koordinator-rezidenti xanım Sezin Sinanoğlu, m-Rezidentlik proqramının öyrənilməsinin digər ölkələr üçün maraqlı bir nümunə olacağını qeyd etdi. “…. İndi bütün dünyada böyük təcrübə və innovasiya üçün potensial vardır. Bu, bir-birimizdən öyrənmək üçün əla bir fürsətdir. Kimin nəyə sahib olduğunu bilmək üçün … Azərbaycanın B.EST Solutions şirkətindən olan həmkarımızı sevinclə qarşılayırıq. Özəl sektorla birbaşa əməkdaşlıq: onlar həll yollarını bilirlər; bu həll yolları üçün ideya və təklifləri var. Onların nə ilə ticarət edəcəklərinə yardım etmək üçün dialoqumuza dəvət edək”.
UNESCAP-ın Ticarət Siyasəti və Əlaqələndirmə şöbəsinin rəhbəri cənab Yan Dyüval da Azərbaycan təmsilçisinin təqdimatına dair vacib bir şərh əlavə etdi: “… Azərbaycan rəqəmsal və sadələşdirilmiş ticarət prosedurlarında dünyanın liderlərindən biridir”.
Sessiya haqqında daha ətarflı məlumatı buradan əldə edə bilərsiniz. -
20.11.2020 Artıq “Asan İmza” SİM kartını SMS vasitəsilə uzatmaq mümkündür
Bu gün dünyanın böyük bir hissəsinin uzaq məsafədən işlədiyi bir vaxtda elektron xidmətlərdən istifadənin sadələşdirilməsi vətəndaşlarımız üçün xüsusilə vacibdir. “Asan İmza” mobil elektron imzanın texniki operatoru və Rəqəmsal Ticarət Qovşağının partnyoru B.EST
Artıq “Asan İmza” SİM kartını SMS vasitəsilə uzatmaq mümkündür
Bu gün dünyanın böyük bir hissəsinin uzaq məsafədən işlədiyi bir vaxtda elektron xidmətlərdən istifadənin sadələşdirilməsi vətəndaşlarımız üçün xüsusilə vacibdir. “Asan İmza” mobil elektron imzanın texniki operatoru və Rəqəmsal Ticarət Qovşağının partnyoru B.EST Solutions ilə birlikdə ölkədə aparıcı mobil operator olan “Azercell Telekom” MMC tərəfindən “Asan İmza” gücləndirilmiş mobil elektron imza sahiblərinə daha bir yenilik təqdim edildi.
Bu həftədən etibarən “Azercell Telekom” MMC mobil operator şəbəkəsinin abunəçiləri olan “Asan İmza” mobil elektron imza istifadəçiləri mobil operatorun Müştəri Xidmətləri Mərkəzlərinə getmədən “Asan İmza” xidmətli SİM kartın müddətini SMS vasitəsilə uzada biləcəklər. Unutmaq lazım deyil ki, “Asan İmza” xidmətli SİM kartın SMS vasitəsilə uzadılması kifayət etmir, istifadəçilərdən eyni zamanda vergi ödəyicisinin e-taxes.gov.az vahid İnternet portalında onlayn şəkildə “Asan İmza” sertifikatlarının müddətinin bitməsinə 30 gün qalmış “Asan İmza” sertifikatlarını növbəti 3 il müddətinə uzatmaq tələb olunur. “Asan İmza” sertifikatının etibarlılıq müddəti bitdikdən sonra onun onlayn rejimdə uzadılması mümkün olmayacaq və istifadəçi sertifikatı yeniləmək üçün Azərbaycan Respublikasının İqtisadiyyat Nazirliyi yanında Dövlət Vergi Xidməti nəzdində Asan Sertifikat Xidmətləri Mərkəzinə (ASXM) fiziki olaraq müraciət etməli olacaqdır.
Beləliklə, mövcud SİM kartda “Asan İmza” xidmətini növbəti 3 il müddətinə uzatmaq üçün vətəndaşlardan “8500” qısa nömrəsinə aşağıdakı açar sözlərdən birini qeyd edərək, SMS göndərmək tələb olunur:
«ferdi» – fiziki şəxslər üçün;
«biznes» – hüquqi şəxslər və sahibkarlıq fəaliyyətilə məşğul olan fiziki şəxslər üçün;
«dovlet» – dövlət qulluqçuları və yerli özünüidarəetmə orqanlarının nümayəndələri üçün.“Asan İmza” xidmətinin etibarlılıq müddəti haqqında məlumat əldə etmək üçün “8500” qısa nömrəsinə “status” açar sözünü SMS vasitəsilə göndərmək lazımdır. Xidmətin müddətinin SMS vasitəsilə uzadılması ilə bağlı “İstifadəçi Təlimatı” ilə bu link vasitəsilə ətraflı tanış olmaq mümkündür.
Vətəndaşlar “1847” – “Asan İmza” Çağrı Mərkəzinə zəng etməklə və ya info@asanimza.az elektron poçt ünvanına məktub yazmaqla “Asan İmza” ilə bağlı suallarına cavab ala bilərlər.
-
17.11.2020 “Asan İmza” sertifikatlarının müddətini artıq onlayn uzatmaq mümkündür
Biznesin təhlükəsiz və uzaq məsafədən idarə edilməsinin təmin edilməsi məqsədilə rəqəmsal Azərbaycanın vətəndaşlar üçün fasiləsiz olaraq geniş spektrli elektron xidmətlərin təqdim etməsinin davam etdirilməsi çox vacibdir. Koronavirus pandemiyasının (COVID-19) Azərbaycandakı iş mühitinə
“Asan İmza” sertifikatlarının müddətini artıq onlayn uzatmaq mümkündür
Biznesin təhlükəsiz və uzaq məsafədən idarə edilməsinin təmin edilməsi məqsədilə rəqəmsal Azərbaycanın vətəndaşlar üçün fasiləsiz olaraq geniş spektrli elektron xidmətlərin təqdim etməsinin davam etdirilməsi çox vacibdir. Koronavirus pandemiyasının (COVID-19) Azərbaycandakı iş mühitinə təsirini aradan qaldırmaq məqsədilə və istifadəçilərin çoxsaylı müraciətini nəzərə alaraq, “Asan İmza” mobil elektron imzanın milli operatoru və Azərbaycanın Rəqəmsal Ticarət Qovşağının partnyoru hesab edilən B.EST Solutions şirkəti “Asan İmza” gücləndirilmiş mobil elektron imza sahibləri üçün yeniliklər təqdim etməyə davam edir.
Beləliklə, artıq “Asan İmza” sertifikatının sahibləri vergi ödəyicisinin vahid e-taxes.gov.az İnternet portalında sertifikatlarının müddətini növbəti üç ilə onlayn qaydada onların müddətinin bitməsinə ən azı 30 gün qalmış yeniləyə biləcəklər. Daha sonra və ya sertifikatın müddəti bitdikdə onlayn yenilənmə proseduru qeyri-mümkün olacaq və vətəndaş yalnız fiziki olaraq xidmət mərkəzlərinə müraciət etməklə sertifikatlarının müddətini uzada biləcəkdir. Sertifikatların müddətinin onlayn uzadılması üzrə “İstifadəçi Təlimatı” ilə bu link vasitəsilə tanış ola bilərsiniz.
Xüsusilə qeyd etmək lazımdır ki, “Asan İmza” da daxil olmaqla elektron identitetin təqdim edilməsilə bağlı bütün prosedurlar “Elektron imza və elektron sənəd haqqında” Azərbaycan Respublikasının 9 mart 2004-cü il tarixli Qanunu və Nazirlər Kabinetinin “Azərbaycan Respublikasında elektron imza və elektron sənədlə bağlı bəzi normativ hüquqi aktların təsdiq edilməsi haqqında” 27 saylı 28 yanvar 2006-cı il tarixli qərarı ilə ciddi şəkildə tənzimlənir. Qanunvericiliyə əsasən “Asan İmza” əl imzasına bərabərdir və buna görə istifadəçilərin identifikasiyası ilə bağlı bütün prosedurlara, təhlükəsizliyin təmin edilməsi, kriptoqrafiyanın bütün dünya standartlarına uyğunluğuna həm istifadəçilərin, həm də xidmət təchizatçılarının maraqlarının təmin edilməsi baxımından ciddi şəkildə riayət olunur. Belə ki, “Asan İmza”nın təqdim edilməsi proseduru şəxsiyyəti təsdiq edən istənilən digər sənədin verilməsi kimi qanunvericiliklə ciddi şəkildə tənzimlənir.
Hal-hazırda dövlət və özəl qurumların təqdim etdiyi 1000-dən çox elektron xidmət “Asan İmza” mobil elektron imza vasitəsilə əlyetərlidir. Mobil identitet sayəsində siz vacib elektron xidmətlərə giriş imkanı əldə edə bilərsiniz. Məsələn, elektron vergi bəyannamələri, gömrük bəyannamələrinin təqdim edilməsi, onlayn kredit, gömrükdə malların və nəqliyyat vasitələrinin bəyan edilməsi, əmək müqaviləsi bildirişlərinin elektron qeydiyyatı, ali məktəblərə qəbul üçün onlayn qeydiyyat, güzəştli mənzil almaq üçün müraciət, sosial sığorta, İnternet və mobil bankçılıq və s.
Azərbaycanın ərazi bütövlüyünün bərpası naminə müzəffər Azərbaycan ordusunun möhtəşəm qələbəsi sayəsində, həmçinin Azərbaycan Respublikası Prezidentinin “Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında” 29 oktyabr 2020-ci il tarixli Fərmanına əsasən müvəqqəti komendantlıqlar nəzdində Azərbaycan Respublikasının İqtisadiyyat Nazirliyi, Azərbaycan Respublikasının Maliyyə Nazirliyi, Azərbaycan Respublikasının Müdafiə Nazirliyi, Azərbaycan Respublikasının Nəqliyyat, Rabitə və Yüksək Texnologiyalar Nazirliyi və s. kimi qurumların regional nümayəndəliklərinin yaradılması qərara alınmışdır. Qarşıya qoyulan vəzifələrin əlaqələndirilmiş, təhlükəsiz və effektli şəkildə Qarabağ bölgəsində icrası üçün informasiya-kommunikasiya texnologiyalarının tam inteqrasiyası tələb olunur. Elektron xidmətlər sahəsi hökumət funksiyaları spektrinin genişləndirilməsi və azad edilmiş ərazilərin iqtisadiyyatının sürətli bərpası üçün ayrılmaz tərkib hissə hesab edilir.
Vətəndaşlar “Asan İmza” ilə bağlı suallarına cavab almaq üçün “1847” Çağrı Mərkəzinə zəng edə və ya info@asanimza.az elektron poçt ünvanına məktub yaza bilərlər.
-
15.10.2020 Xarici vətəndaşlara mobil rezidentlik (m-Residency) təqdim edildi
Dünya tarixində ilk dəfə olaraq İqtisadi İslahatların Təhlili və Kommunikasiya Mərkəzi və “B.EST Solutions” MMC şirkəti tərəfindən Azərbaycanda xarici vətəndaşlara mobil rezidentlik (m-Residency) təqdim edildi. PAŞA Bankın əməkdaşları bu layihənin hazırlanması və
Xarici vətəndaşlara mobil rezidentlik (m-Residency) təqdim edildi
Dünya tarixində ilk dəfə olaraq İqtisadi İslahatların Təhlili və Kommunikasiya Mərkəzi və “B.EST Solutions” MMC şirkəti tərəfindən Azərbaycanda xarici vətəndaşlara mobil rezidentlik (m-Residency) təqdim edildi.
PAŞA Bankın əməkdaşları bu layihənin hazırlanması və təqdim olunmasında göstərdikləri səylərə və fəal iştiraka görə qeyd olunan qurumlar tərəfindən xüsusi təşəkkürnamə ilə təltif olundular.
İnnovativ Azərbaycanın imza atdığı ilk olan m-Residency proqramı xarici vətəndaşlara heç bir risklə qarşılaşmadan və çətinlik çəkmədən Azərbaycanda biznes qurmaq imkanı verir.
-
05.10.2020 “Yelo Bank” – “Asan İmza” ilə yeni internet bankçılıq xidmətini istifadəyə verdi
“Yelo Bank”dan növbəti yenilik. Bu dəfə Bank korporativ müştərilərin məsafədən xidməti üçün yeni internet bankçılıq xidmətini istifadəyə verdi. Bu barədə “Report” banka istinadən xəbər verir. Yeni xidmət müştərilər üçün özünəməxsus dizaynı və
“Yelo Bank” – “Asan İmza” ilə yeni internet bankçılıq xidmətini istifadəyə verdi
“Yelo Bank”dan növbəti yenilik. Bu dəfə Bank korporativ müştərilərin məsafədən xidməti üçün yeni internet bankçılıq xidmətini istifadəyə verdi.
Bu barədə “Report” banka istinadən xəbər verir.
Yeni xidmət müştərilər üçün özünəməxsus dizaynı və rahatlığı ilə seçilir. Artıq müştərilər harada olmaqlarından asılı olmayaraq, filiala gəlmədən, günün istənilən saatında yeni xidmətin bir çox faydalı funksiyalarından yararlana biləcək:
- Gücləndirilmiş elektron imza (Asan imza) və OTP ilə daxil olma və əməliyyatların təsdiqi imkanı
- Bir və ya bir neçə hesab üzrə gəlir və xərclərin dinamikasının qrafikini izləmək imkanı
- Ödənişlərin müddətini əhəmiyyətli dərəcədə azaldacaq şablonların yadda saxlanılması və avtomatik ödənişlərin yaradılması funksiyaları
- Məzənnənin rezervasiyası imkanı. Bu funksiya optimal valyutanın alış-satış nisbətini əldə etməyə imkan verir
- Kredit sifarişi
- Kreditlər haqqında məlumat və ödəniş cədvəli
- Kartların onlayn idarəedilməsi (mədaxil, bloklaşdırma, blokdan çıxarılma)
- Bütün işçilərin əmək haqlarının bir dəfəyə ödənilməsi imkanı
- Fərdi funksionallığı olan işçilərin əlavə edilməsi
- Kütləvi ödənişlər
- Hesabdan çıxarışların avtomatik göndərilməsi
- Xarici köçürmələr
- SMS bildiriş
- Xəbərlər bloku
Bütün bu funksiyalar şirkətlərin işini rahatlaşdırmaq, sənədləşmənin həcmini azaltmaqla yanaşı, şirkət hesabları və əməliyyatlarına nəzarəti də gücləndirəcək. “Yelo Bank” müştəriləri onlayn qeydiyyatdan keçə (https://ibank.yelo.az/en/login), yeni müştərilər isə internet bankçılıq xidmətinin bütün üstünlüklərindən yararlanmaq üçün “Yelo Bank”da hesab aça bilər.
Layihə Corezoid Process Engine texnologiyasının bazası əsasında “Yelo Bank”ın texnoloji tərəfdaşı olan Middleware (ABŞ) şirkəti ilə birgə hazırlanılıb. İnternet bankçılıq xidmətinin istifadəyə verilməsi bankın rəqəmsallaşma istiqamətində atdığı mühüm addımlardan biridir. “Yelo”nu izləməyə davam edin. Çünki tezliklə öz yenilikləri ilə sizin bankçılıq təcrübənizi dəyişəcək.
-
03.09.2020 “Asan İmza” ilə gənc alim və tədqiqatçıların 5-ci qrant müsabiqəsinə qeydiyyat aparılır
Azərbaycan Respublikasının Prezidenti yanında Elmin İnkişafı Fondu tərəfindən gənc alim və tədqiqatçıların 5-ci qrant müsabiqəsinə qeydiyyat davam edir. Elmin İnkişafı Fondundan AzEdu.az-a bildirilib ki, müsabiqə təbiət, dəqiq, texniki, humanitar və ictimai elmlər
“Asan İmza” ilə gənc alim və tədqiqatçıların 5-ci qrant müsabiqəsinə qeydiyyat aparılır
Azərbaycan Respublikasının Prezidenti yanında Elmin İnkişafı Fondu tərəfindən gənc alim və tədqiqatçıların 5-ci qrant müsabiqəsinə qeydiyyat davam edir.
Elmin İnkişafı Fondundan AzEdu.az-a bildirilib ki, müsabiqə təbiət, dəqiq, texniki, humanitar və ictimai elmlər sahəsində dövlət və cəmiyyət üçün əhəmiyyət kəsb edən fundamental, tətbiqi və innovasiya xarakterli elmi-tədqiqat proqram və layihələrini, eləcə də digər elmi tədbirləri dəstəkləmək məqsədilə keçirilir. Eyni zamanda, aktual və müasir elmi problemlərin həlli ilə məşğul olan, elmi tədqiqatlarla əlaqəli digər qurumlarda (nazirliklərin nəzdindəki elmi-tədqiqat institutları, dövlət qurumları və s.) çalışan gənc alim və tədqiqatçıların elmi fəaliyyətini stimullaşdırmaq və onlara əlavə yaradıcılıq imkanı yaratmaq, bir elmi mövzunun (problemin müəyyən hissəsinin) tədqiqi məqsədilə yaradılan müvəqqəti yaradıcı kollektivləri dəstəkləmək nəzərdə tutulur.
Müsabiqə üzrə iştirakçıların qeydiyyatı və layihə təkliflərinin qəbulu sentyabrın 7-si saat 17:00-dək elektron qaydada “e-QRANT” – “Qrant layihələrinin Elektron İdarəolunması Sistemi” rəsmi internet səhifəsində (http://e-grant.sdf.gov.az/) aparılır.“Qrant layihələrinin Elektron İdarəolunması Sistemi” elektron-hökumət prinsipləri əsasında qurulub və “ASAN İmza”dan istifadəni də nəzərdə tutur. “ASAN İmza”nı həm layihə rəhbəri, həm də layihədə iştirakı nəzərdə tutulan bütün iştirakçılar əldə etməli, bu şəxslərin hamısı qeydiyyatdan keçməli və “virtual şəxsi kabinet”lərini formalaşdırmalıdırlar.
Müsabiqəyə təqdim olunduğu gündən etibarən layihələrə baxılacaq və nəticələr barədə iştirakçılara elektron qaydada məlumat veriləcək.
-
20.07.2020 “Asan İmza” xidmətilə Unibank hüquqi şəxslərə onlayn hesab açmaq imkanını təqdim etdi
Unibank biznes sahibləri üçün onlayn xidmətləri genişləndirir. Biznes müştərilərinin işini asanlaşdırmaq məqsədilə Unibank, hüquqi şəxslər üçün bank hesablarının açılması onlayn xidmətini təqdim etdi. Bu xidmət əvvəlcə fərdi sahibkarlar üçün mövcud idi, indi
“Asan İmza” xidmətilə Unibank hüquqi şəxslərə onlayn hesab açmaq imkanını təqdim etdi
Unibank biznes sahibləri üçün onlayn xidmətləri genişləndirir.
Biznes müştərilərinin işini asanlaşdırmaq məqsədilə Unibank, hüquqi şəxslər üçün bank hesablarının açılması onlayn xidmətini təqdim etdi. Bu xidmət əvvəlcə fərdi sahibkarlar üçün mövcud idi, indi isə hüquqi şəxslər olan sahibkarlar tərəfindən də istifadə edilə bilər. Sahibkarlar, bank filiallarına gəlmədən iş yerlərindən onlayn hesab aça biləcəklər. Onlayn hesab açarkən, rekvizitlər birbaşa biznes sahibinə göndərilir və hesabın aktivləşdirilməsi üçün banka getməyə ehtiyac qalmır.
“Unibank”da onlayn hesab açmaq üçün aşağıdakı mərhələlərdən keçmək lazımdır:
– Unibank.az saytında (https://hesab.unibank.az/login) “Onlayn hesabın açılması” bölməsinə keçid;
– ərizənin doldurulması və ASAN İmza ilə imzalama;
– hesabınız sizin üçün əlverişli vaxtda bank tərəfindən edilən video zəngdən dərhal sonra aktivləşdirilir və rekvizitlər elektron poçtunuza göndərilir;
– onlayn hesabınız açılan kimi İnternet bankçılıq və mobil bank xidmətləri aktivləşdirilir və hesabınızda istənilən əməliyyatı dərhal həyata keçirə bilərsiniz.Unibank, biznes sahiblərinə geniş çeşidli bank məhsulları və xidmətlərini təqdim edir. Banka getmədən onlayn hesabın açılması, İnternet bankçılıq və mobil bankçılığın aktivləşdirilməsi və onlayn “overdraft”dan istifadə biznes sahiblərinə istənilən vaxt və istənilən yerdə onlayn xidmətlərə əlyetərlilik imkanı verir.
-
22.05.2020 “Vətəndaş” tipli “Asan İmza” xidmətini ödənişsiz əldə etmək mümkün olacaq
COVİD-19 epidemiyası ilə bağlı mövcud vəziyyəti nəzərə alaraq, Azərbaycanda rəqəmsal iqtisadiyyatın sürətli inkişafı və vətəndaşların dövlət və özəl sektorların elektron xidmətlərinə geniş əlyetərliyinin təmin edilməsi zəruridir. Rəqəmsal iqtisadiyyat mexanizmlərinin təmin edilməsi və
“Vətəndaş” tipli “Asan İmza” xidmətini ödənişsiz əldə etmək mümkün olacaq
COVİD-19 epidemiyası ilə bağlı mövcud vəziyyəti nəzərə alaraq, Azərbaycanda rəqəmsal iqtisadiyyatın sürətli inkişafı və vətəndaşların dövlət və özəl sektorların elektron xidmətlərinə geniş əlyetərliyinin təmin edilməsi zəruridir.
Rəqəmsal iqtisadiyyat mexanizmlərinin təmin edilməsi və əlverişli investisiya mühitinin yaradılması, eləcə də ən son innovasiyaların tətbiqi və əhalinin bu innovasiyalara kütləvi əlyetərliyinin təmin edilməsi üzrə ölkənin dünya liderləri sırasına daxil olması üçün dövlət tərəfindən qarşıya qoyulan məqsədə nail olunmasına dəstək məqsədilə “Asan İmza” mobil elektron imzanın milli operatoru və Azərbaycanın Rəqəmsal Ticarət Qovşağının partnyoru hesab edilən B.EST Solutions şirkəti 20 iyun 2020-ci il tarixindən etibarən “Asan İmza” gücləndirilmiş mobil elektron imza xidmətini respublika vətəndaşları üçün (“Vətəndaş” tipli “Asan İmza” xidməti) 3 il müddətinə ödənişsiz təqdim etmək qərarına gəldi.
Vətəndaşlar üçün “Asan İmza” xidməti onlara sosial sığorta, pensiyalar, sosial müavinətlər kimi elektron xidmətlərə uzaq məsafədən əlyetərlikdən əlavə nağdsız ödənişlərdən, onlayn kreditləşmələrdən, notariuslardan və s. kütləvi istifadə imkanı yaradacaqdır. Bu da öz növbəsində şəffaflığı artıracaq, vaxt və resurslara qənaət edəcək və vətəndaşları lazımsız bürokratiyadan azad edəcəkdir. Xatırladaq ki, əvvəllər bu xidmətin aktivləşdirilməsi ödənişli olub, 18 AZN təşkil edirdi. Qeyd etmək lazımdır ki, “Asan İmza” xidmətinin sahibkarlar və dövlət qulluqçuları üçün nəzərdə tutulan “Biznes” və “Dövlət” tiplərinin qiyməti, həmçinin “Asan İmza” istifadəçilərinin bütün kateqoriyaları üçün aylıq abunə haqqı dəyişilməz olaraq qalır. Xüsusilə vurğulayaq ki, “Asan İmza” xidmətini mövcud mobil nömrədə aktivləşdirmək olar və yeni bir nömrənin alınmasına ehtiyac yoxdur.
B.EST Solutions şirkəti 10 ildən artıqdır ki, Azərbaycan bazarında fəaliyyət göstərir və bütün resurslarını rəqəmsal iqtisadiyyatın inkişafına və innovativ həllərə sərmayə qoyaraq, “Asan İmza”nı respublika üzrə 1000-dən çox elektron xidmətə ödənişsiz inteqrasiya etmişdir. Bütün xidmət provayderləri üçün inteqrasiya və texniki dəstək məsləhətləri də ödənişsizdir. Bu qərarın verilməsində əsas prioritet vətəndaşlarımızın fərdi məlumatlarının və dövlət məlumat sistemlərinin ən yüksək səviyyədə məxfiliyini təmin etməklə, bütün Azərbaycan vətəndaşlarına istənilən onlayn əməliyyatları, nağdsız ödənişləri həyata keçirmək üçün ən yüksək dünya standartlarına cavab verən təhlükəsizlik vasitələrilə təmin etməkdir.
B.EST Solutions şirkətinin direktoru və təsisçisi Jana Krimpe qeyd etmişdir: “Şirkətimiz Azərbaycanda kiçik biznes kateqoriyasına aiddir. Biz, vətəndaşlarımızın innovativ xidmətlərə maksimum əlyetərliyinin təmin edilməsinin nə qədər vacib olduğunu başa düşürük. Azərbaycan vətəndaşı və dövlətimizin dünya bazarında rəqabət qabiliyyətinin yüksəldilməsi üçün islahatlar hər zaman prioritet məsələlərimizdən olmuşdur. Biz bütün resurslarımızı beynəlxalq təşkilatlar və ölkələr tərəfindən dünya miqyasında qəbul edilən və tanınan “Asan İmza” – “ Made in Azerbaijan” milli brendinə investisiya edirik. Vətəndaşlarımız üçün ödənişsiz “Asan İmza” mobil elektron imza xidmətinin tətbiqi ilə yanaşı şirkətimizin rebrendinqini də həyata keçirdik. Bununla da fəaliyyətimizin yeni rəqəmsal mərhələsinə daxil olmağı və Azərbaycan Respublikasında yaşayan hər bir vətəndaş və əcnəbilər üçün innovasiyaya əlyetərlik imkanlarını əhəmiyyətli dərəcədə yaxşılaşdırmağı hədəflədik.
Şirkətin yeni loqotipi “Asan İmza” mobil elektron imzanın hər bir istifadəçisi üçün keyfiyyətli xidmətlərin təqdim edilməsinə istiqamətlənən strategiyanı simvolizə edir. İnnovativ və ölkəmizin vətəndaşının həyatını asanlaşdıran xidmətlər – B.EST Solutions şirkətinin əsas məqsədidir. Bütün partnyorlarımıza –ölkənin rəqəmsal infrastrukturu və onlayn xidmətlərinin inkişafı üçün Azərbaycan Respublikasının İqtisadiyyat Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə, təhlükəsizlik və ən yüksək beynəlxalq standartlara uyğunluğun təmin edilməsi üçün mobil operatorlara, onlayn hesabların açılması imkanı və digər innovativ məhsullara görə banklara, eləcə də ölkənin vətəndaşları, dövlət və biznes strukturlarına yüksək keyfiyyətli elektron xidmətlər göstərmək üçün səylə çalışan bütün digər dövlət və özəl xidmət provayderlərinə minnətdarlığımızı bildiririk”.
“Elektron imza və elektron sənəd haqqında” Azərbaycan Respublikasının Qanununa əsasən əl imzasına bərabər sayılan “Asan İmza” gücləndirilmiş mobil elektron imza bütün beynəlxalq təhlükəsizlik standartlarına cavab verir.
Bu gün Azərbaycanda yalnız Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin Sertifikat Xidmətləri Mərkəzi tərəfindən təqdim edilən e-İmza, Mərkəzi Bankın BSXM-i tərəfindən təqdim edilən elektron imza və B.EST Solutions şirkətinin Azərbaycan Respublikasının İqtisadiyyat Nazirliyinin Dövlət Vergi Xidmətinin Asan Sertifikat Xidmətləri Mərkəzi və Azərbaycanın mobil operatorları ilə birlikdə təqdim etdiyi “Asan İmza” mobil elektron imza geniş yayılmış həllər kimi qanunvericiliyin tələblərinə uyğun olaraq əl imzasına bərabərdir. Bütün digər mobil, bulud həllər və kod-parollar yüksək təhlükəsizlik səviyyəsinə malik deyil və mövcud qanunvericiliyə əsasən gücləndirilmiş elektron imza hesab edilmir.
“1847” – “Asan İmza” Çağrı Mərkəzi öz işini adi rejimdə davam etdirərək, xidmətlə bağlı bütün suallara cavab almaqda sizə kömək edəcək. Suallar yarandıqda eyni zamanda info@asanimza.az elektron poçt ünvanına elektron məlumat göndərə bilərsiniz.
-
14.05.2020 Sahibkarlar “Asan İmza” ilə Azərbaycan Beynəlxalq Bankında onlayn hesab aça biləcəklər
Müştərilərə xidmət imkanlarını müasir çağırışlara uyğunlaşdıran Azərbaycan Beynəlxalq Bankı distant bank xidmətlərinə ehtiyacı nəzərə alaraq bu istiqamətdə tədbirləri sürətləndirib. Bank korporativ müştərilərinə xidmət ofislərinə gəlmədən məsafədən hesab açmaq və onu idarə etmək
Sahibkarlar “Asan İmza” ilə Azərbaycan Beynəlxalq Bankında onlayn hesab aça biləcəklər
Müştərilərə xidmət imkanlarını müasir çağırışlara uyğunlaşdıran Azərbaycan Beynəlxalq Bankı distant bank xidmətlərinə ehtiyacı nəzərə alaraq bu istiqamətdə tədbirləri sürətləndirib. Bank korporativ müştərilərinə xidmət ofislərinə gəlmədən məsafədən hesab açmaq və onu idarə etmək imkanı da yaradıb.
Azərbaycan Beynəlxalq Bankında distant bank hesabının açılması portal üzərindən həyata keçirilir. Belə bir imkandan faydalanmaq üçün hüquqi şəxs və ya fərdi sahibkar ilk növbədə “Asan İmza” “Biznes” sertifikatına sahib olmalıdır.
Belə ki, müştəri “Asan İmza” vasitəsilə sistemə daxil olub lazımi sənədləri və məlumatları təqdim etdikdən sonra videogörüşün vaxtını özü təyin edir. Videogörüş zamanı bank operatoru aparılacaq eyniləşdirmə və əlavə autentifikasiya barədə müştəriyə ümumi məlumat verir.
Bank hesabının açılmasına və idarə olunmasına dair rəsmiləşdirmə prosesi tamamlandıqdan sonra isə Bank tərəfindən hesablar avtomatik açılır və müştərinin İnternet Bank xidmətinə qoşulması təmin edilir. Rəsmiləşdirmə sənədləri ilə birgə hesab rekvizitləri barədə məlumat müştəriyə təqdim olunur. Müştəri təqdim olunmuş sənədləri və hesab rekvizitlərini yükləyərək elektron qaydada və ya çap edərək özündə saxlaya bilər.
Azərbaycan Beynəlxalq Bankının baş direktoru Nərgizxanım Biləndərli məsafədən hesab açmağın hüquqi şəxslər və fərdi sahibkarlar üçün yeni bir imkan olduğunu qeyd edib: “Daha hesab açmaqdan ötrü, evdən, iş yerindən kənarlaşıb banka gəlməyə ehtiyac yoxdur. Bunu internet üzərindən həyata keçirmək olar. Məsafədən bank hesabı açmaq müştərilərimizin işini asanlaşdırır, onların vaxtına qənaət edir. Müştərilərimiz məsafədən hesab açıb İnternet Bank xidmətinə qoşula və bu xidmətin üstünlüklərindən faydalana bilərlər”.
“Asan İmza” mobil elektron imzanın milli operatoru olan B.EST Solutions şirkətinin aparıcı layihə meneceri Fuad Məlikov qeyd etmişdir: “Azərbaycanın maliyyə institutları bizim üçün prioritet müştərilərdən hesab edilir. Bank sistemlərinə “Asan İmza”nın inteqrasiyası üzrə bütün xidmətlər tərəfimizdən ödənişsiz olaraq və çox qısa zamanda təqdim edilir. Biz Azərbaycan Beynəlxalq Bankının nağdsız ödənişlərin və rəqəmsal iqtisadiyyatın inkişafındakı rolunu yüksək qiymətləndiririk”.
“Asan İmza” haqqında məlumatı rəsmi saytında, həmçinin info@asanimza.az elektron poçtuna yazmaqla əldə etmək olar. “1847” “Asan İmza” Çağrı Mərkəzi adi rejimdə öz işini davam etdirir.
Müasir dövlət bankı olan Azərbaycan Beynəlxalq Bankının məhsul və xidmətləri barədə məlumatları bankın 37 filial və 39 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.