-
Təqdim olunan ümumi sertifikatların sayı
4277081 -
Bu ay ərzində təqdim olunan sertifikatlar
37066 -
Ümumi tranzaksiya sayı
391681111 -
Bu ay ərzində tranzaksiya sayı
3339401
Asan İmza gücləndirilmiş mobil elektron imza e-xidmətlərə daxil olan və rəqəmsal imzalar edən zaman kimliyinizi təsdiqləmək üçün sizin mobil identifikasiyanızdır. Asan İmza (Mobil imza) bütün mövcud e-xidmətlərdən istifadəni mümkün edir.
Sadə, intuitiv və sürətli
-
“Asan İmza” nə üçündür?
-
Üstünlükləri
-
“Asan İmza”nın əldə edilmə qaydası
Asan İmza-ya müraciət etmək üçün sizə Asan İmza xidmətini mümkün edən SIM-kart lazımdır. Qeyd edək ki, mobil operatordan yeni nömrə əldə etməyə ehtiyac yoxdur. Siz istifadə etdiyiniz mövcud nömrənizdə də “Asan İmza” xidmətini aktivləşdirə bilərsiniz. Bunun üçün şəxsiyyət vəsiqəniz ilə (şəxsiyyət vəsiqəsi Asan İmza (Mobil imza) xidmətini aktivləşdirmək üçün lazımdır) Azercell, Bakcell, Nar Müştəri Xidmətləri Mərkəzlərinə müraciət edə bilərsiniz. eSIM istifadəçiləri yeni nəsil eSIM “Asan İmza” xidmətini Azercell mobil operatora müraciət edərək əldə edə bilərlər.
Azercell mobil operatorunun Asan İmza SİM kartı təqdim edən ofis və Müştəri xidmətlərinin siyahısı
Bakcell mobil operatorunun Asan İmza SİM kartı təqdim edən ofis və Müştəri xidmətlərinin siyahısı.
Nar operatorunun Asan İmza SİM kartı təqdim edən ofis və Müştəri xidmətlərinin siyahısı.
Növbəti mərhələdə əldə etdiyiniz SIM kartda elektron imza sertifikatlarınızı aktivləşdirmək üçün İqtisadiyyat Nazirliyi yanında Dövlət Vergi Xidmətinin Asan Sertifikat Xidmətləri Mərkəzinə (ASXM) müraciət etməlisiniz. Nəzərə alın ki, siz özünüzlə şəxsiyyətinizi təsdiqləyən sənədi gətirməlisiniz (FIN nömrəsini daxil edən). Sonra siz sertifikatın alınması üçün müvafiq ərizəni doldurmalı və imzalamalısınız. Ərizə və digər sənədlərin formaları ilə buradan tanış ola bilərsiniz.
“Asan İmza” ilə ən çox
istifadə olunan xidmətlər
2000-dən çox e-xidmətə əlyetərlik
Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi
Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi
Bu xidmət vasitəsilə təşkilatın səlahiyyətli nümayəndələri tərəfindən əməkdaşlarla bağlanan əmək müqavilələri haqqında məlumatların daxil edilməsi və sonradan bu məlumatların işçilər tərəfindən əldə edilməsi mümkündür.
Malların və nəqliyyat vasitələrinin gömrük rəsmiləşdirilməsi üzrə elektron gömrük bəyannaməsinin qəbulbu, gömrük rəsmiləşdirilməsi və rəsmiləşdirilmə prosesinin onlayn monitorinqi
Malların və nəqliyyat vasitələrinin gömrük rəsmiləşdirilməsi üzrə elektron gömrük bəyannaməsinin qəbulbu, gömrük rəsmiləşdirilməsi və rəsmiləşdirilmə prosesinin onlayn monitorinqi
“Malların və nəqliyyat vasitələrinin gömrük rəsmiləşdirilməsi üzrə Elektron Gömrük Bəyannaməsinin qəbulu” xidmətindən istifadə etməklə istifadəçilər elektron gömrük bəyannaməsini hazırlayaraq rəsmiləşdirilməsi üçün gömrük orqanlarına təqdim edə və rəsmiləşmə prosesinin hansı mərhələdə olmasını izləyə
Vergi və digər büdcə daxilolmalarının internet vasitəsilə ödənilməsi
Vergi və digər büdcə daxilolmalarının internet vasitəsilə ödənilməsi
İqtisadiyyat Nazirliyi yanında Dövlət Vergi Xidmətinin təqdim etdiyi “Vergi və digər büdcə daxilolmalarının internet vasitəsilə ödənilməsi” elektron xidməti vergi orqanları ilə birbaşa təmasın minimuma endirilməsi baxımından mühüm əhəmiyyətə malikdir. Bu elektron xidmət
Bank idarələrində hesabların açılması
Bank idarələrində hesabların açılması
Azərbaycan Respublikasında fəaliyyət göstərən banklarda, onların filiallarında, xarici bankların filiallarında (bundan sonra banklarda) cari, ssuda və əmanət (depozit) hesablarının, cari subhesabların, habelə bankların müxbir hesablarının (bundan sonra bank hesabları) açılması, yenidən rəsmiləşdirilməsi
Elektron bəyannamənin qəbulu
Elektron bəyannamənin qəbulu
Bu xidmət vergi ödəyicilərinin Bəyannamə Tərtibatı Proqramından (BTP) istifadə etməklə bəyannamələrin, elektron formada tərtib edilərək vergi orqanına təqdim edilməsini əhatə edir.
Elektron vergi hesab fakturasının qəbulu
Elektron vergi hesab fakturasının qəbulu
Bu xidmət əlavə dəyər vergisi ödəyicisinin elektron vergi hesab-fakturasını tərtib etmək, ləğv etmək, dəqiqləşdirmək, əvəzləşdirilən vergi hesab-fakturaları barədə məlumatları sistemə daxil etmək kimi əməliyyatların həyata keçirməsini əhatə edir.
Fərdi sahibkarların onlayn qeydiyyatı
Fərdi sahibkarların onlayn qeydiyyatı
Bu xidmət Azərbaycan Respublikasında fərdi sahibkarların elektron dövlət qeydiyyatının aparılması proseslərini əhatə edir.
Kommersiya hüquqi şəxslərin onlayn qeydiyyatı
Kommersiya hüquqi şəxslərin onlayn qeydiyyatı
Bu xidmət Azərbaycan Respublikasında yerli investisiyalı məhdud məsuliyyətli cəmiyyətlərin və xarici investisiyalı məhdud məsuliyyətli cəmiyyətlərin elektron dövlət qeydiyyatının aparılması proseslərini əhatə edir.
Tərəfdaşlar
Həllin mobilliyi və istifadəsinin asanlığı sayəsində “Asan İmza” mobil identiteti vətəndaşlar və biznes arasında populyarlıq qazanır və mobil dövlətin açar komponenti hesab edilir. Hazırda 1000-dən çox dövlət və özəl elektron xidmətlərdə “Asan İmza” mobil elektron imzadan istifadə edilir. “Asan İmza” xidməti dövlət qurumları, özəl şirkətlər, maliyyə strukturları, bütün mobil operatorlar, sığorta agentlikləri, ödəniş sistemləri və startaplarda aktiv şəkildə istifadə olunur. “Asan İmza” müxtəlif dövlət və özəl strukturların çağrı mərkəzlərinə inteqrasiya olunub.
Əsas xəbərlər
-
10.01.2025 Azərbaycanda ötən il vergi ödəyicilərinə xidmət mərkəzlərində 631 mindən çox şəxs qəbul edilib
2024-cü ildə Azərbaycandakı vergi ödəyicilərinə xidmət mərkəzlərində ümumilikdə 631 320 şəxs qəbul edilib. Az.shafaqna.com bu barədə İqtisadiyyat Nazirliyi yanında Dövlət Vergi Xidmətinə istinadən xəbər verir. Məlumata görə, onlara 960 265 sayda xidmət
Azərbaycanda ötən il vergi ödəyicilərinə xidmət mərkəzlərində 631 mindən çox şəxs qəbul edilib
2024-cü ildə Azərbaycandakı vergi ödəyicilərinə xidmət mərkəzlərində ümumilikdə 631 320 şəxs qəbul edilib.
Az.shafaqna.com bu barədə İqtisadiyyat Nazirliyi yanında Dövlət Vergi Xidmətinə istinadən xəbər verir.
Məlumata görə, onlara 960 265 sayda xidmət göstərilib ki, bunlardan 353 mindən çoxu şifahi (müraciət etmiş şəxslərin vergi qanunvericiliyi və inzibatçılığı ilə əlaqədar suallarının cavablandırılması), 88,3 mindən çoxu elektron xidmətlər (bəyannamələrin və hesabatların, habelə müxtəlif ərizələrin tərtibatına və elektron formada göndərilməsinə köməklik göstərilməsi) olub.
Ümumi xidmətlərin 90,9 %-ni 10 xidmət növü (şifahi və hazır sənədlərin verilməsi ilə bağlı xidmətlər istisna olmaqla) təşkil edib:
- Bəyannamələrin (hesabatların) və cari vergi ödəmələrinin hesablanması barədə arayışların vergi orqanlarına təqdim edilməsi;
- Vergi ödəyicisinin fəaliyyətinin dayandırılması;
- Sadələşdirilmiş vergi üzrə sabit məbləğin, məcburi dövlət sosial sığorta və icbari tibbi sığorta haqqının ödənilməsi haqqında qəbzin verilməsi;
- Asan İmza sertifikatlarının verilməsi;
- Fiziki şəxsin uçota alınması və yenidən uçota alınması;
- Vergi ödəyicisinin uçot məlumatlarının dəyişdirilməsi;
- Vergi ödəyicisinə arayışların verilməsi;
- Fiziki şəxsin uçotdan çıxarılması;
- Vergi ödəyicisinin təsərrüfat subyektinin (obyektinin) uçota alınması (uçotdan çıxarılması).
Hesabat dövründə vergi ödəyicilərindən daxil olmuş 35,2 mindən çox yazılı müraciət cavablandırılıb, onlara 13,1 milyondan artıq məlumatlandırma xarakterli müxtəlif növ bildiriş (məktub) göndərilib.
Ötən il 4 268 vergi ödəyicisinin iştirakı ilə 306 görüş keçirilib, 5 586 vergi ödəyicisinə ünvanlı xidmət göstərilib. Vergi ödəyicilərinin preventiv məlumatlandırılması məqsədilə onların mobil nömrələrinə 2 milyondan çox SMS göndərilib.
-
11.11.2024 Vətəndaşlar elektron imza və etibarnamələri üçüncü şəxslərə həvalə edərkən nələri bilməlidirlər?
Son illər vətəndaşların aldadılması və adlarından elektron imza və etibarnamə alınması yolu ilə hüquqi şəxslər təsis edilməsi hallarının sayı artıb. Təhlillər göstərir ki, bir çox hallarda vətəndaşların adlarına hüquqi şəxslərin təsis edilməsi
Vətəndaşlar elektron imza və etibarnamələri üçüncü şəxslərə həvalə edərkən nələri bilməlidirlər?
Son illər vətəndaşların aldadılması və adlarından elektron imza və etibarnamə alınması yolu ilə hüquqi şəxslər təsis edilməsi hallarının sayı artıb. Təhlillər göstərir ki, bir çox hallarda vətəndaşların adlarına hüquqi şəxslərin təsis edilməsi onların razılığı və ya məlumatı olmadan baş verir.
Dövlət Vergi Xidmətindən AZƏRTAC-a bildirilib ki, bu isə nəticədə qanunsuz sahibkarlıq fəaliyyətinin həyata keçirilməsinə və vergi borclarının yaranmasına səbəb olur.
Qeyd olunub ki, elektron imza vətəndaşların rəqəmsal mühitdə fəaliyyət göstərərkən kimliyini təsdiq edən və qanuni əhəmiyyət kəsb edən bir vasitədir. Ölkəmizdə Asan İmza (mobil imza) və gücləndirilmiş elektron imza kimi rəqəmsal imzalar geniş şəkildə istifadə olunur. Bu imzalar dövlət xidmətlərinə daxil olmaq, müxtəlif sənədləri təsdiq etmək və biznes əməliyyatlarını həyata keçirmək üçün vacibdir. Lakin, təəssüflər olsun ki, vətəndaşların bu imzalarından sui-istifadə etməklə dələduzluq halları artıb.
Dövlət Vergi Xidməti tərəfindən aparılan araşdırmalar göstərir ki, bəzi hallarda vətəndaşlar aldadılmaqla onların elektron imzalarından istifadə olunur. Həmçinin müxtəlif şəxslərin adlarına etibarnamə alınması, yaxud şirnikləndirmə vasitəsilə qanunsuz əməliyyatlar həyata keçirilir. Vətəndaşlar bir çox hallarda imza atdıqları sənədlərin məsuliyyətindən xəbərsiz olurlar. Bu cür əməliyyatlar nəticəsində isə hüquqi şəxslər yaranır, onların adından müxtəlif əməliyyatlar həyata keçirilir, büdcəyə külli miqdarda vergi borcları yaranır. Vətəndaş hüquqi baxımdan elektron imzanın sahibi olduğundan bu halda borcların ödənilməsinə də cavabdeh olur və o imzadan istifadə olunmaqla həyata keçirilən əməliyyatların nəticələrinə görə cavab verir.
Dövlət Vergi Xidməti xüsusilə sahibkarlıq fəaliyyətinə dair səlahiyyətlərin 3-cü şəxslərə verilməsi ilə bağlı ciddi xəbərdarlıq edir. Etibarnamə bir şəxsə digərinin adına müəyyən hüquqlar vermək üçün verilən bir sənəddir. Eyni zamanda, vətəndaşlar öz gücləndirilmiş elektron imzalarına qarşı da diqqətli olmalıdır. Elektron imza yalnız sahibinə məxsusdur və məhz imza sahibi onun qorunmasına cavabdehdir, başqa şəxslərin həmin imzaları istifadə etməsinə icazə verməməlidir.
Hər bir vətəndaş elektron imzanın daşıdığı səlahiyyətlərin hüquqi məsuliyyətini başa düşməlidir. Bu, gələcəkdə baş verə biləcək hüquqi problemlərin də qarşısını almağa kömək edir. Əgər vətəndaşlar elektron imza vasitəsilə baş vermiş qanunsuz əməliyyatlar və ya aldadılma halları ilə üzləşərlərsə, dərhal hüquq-mühafizə orqanlarına və həmin imzanın qüvvəsinin dayandırılması üçün müvafiq dövlət qurumlarına müraciət etməlidirlər.