“Asan İmza” – mobil elektron imza vasitəsilə Əmək müqaviləsi bildirişlərinin qeydiyyata alınması qaydası

1. GİRİŞ

1 iyul 2014-cü il tarixindən etibarən “Elektron hökumət” (www.e-gov.az) portalında Əmək və Əhalinin Sosial Müdafiəsi Nazirliyinin “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi”, həmçinin “Əmək müqaviləsi bildirişləri barədə məlumatların işçilər tərəfindən əldə edilməsi” xidmətləri yerləşdirilmişdir. Artıq “Asan İmza” – mobil elektron imza vasitəsilə təşkilatın səlahiyyətli nümayəndələri tərəfindən əməkdaşlarla bağlanan əmək müqavilələri haqqında məlumatların daxil edilməsi və sonradan bu məlumatların işçilər tərəfindən əldə edilməsi mümkündür.
Səlahiyyətli nümayəndəni təyin edəcək rəhbər şəxslər və bildirişlər haqqında məlumatların Asan İmza vasitəsi ilə “Elektron hökumət” (www.e-gov.az) portalına daxil edilməsini həyata keçirən səlahiyyətli nümayəndələr üçün nəzərdə tutulan bu təlimatda, həmin prosesin mərhələləri əyani şəkildə ətraflı izah edilmişdir.

2. “Asan İmza” vasitəsilə Rəhbər şəxs tərəfindən Əmək müqaviləsi bildirişlərinin qeydiyyatını həyata keçirəcək səlahiyyətli şəxsin təyin edilməsi prosesi

Bu bölmədə şirkətin rəhbəri tərəfindən “Asan İmza” vasitəsilə Əmək müqaviləsi bildirişlərinin qeydiyyata alınması prosesini həyata keçirəcək işçiyə bu səlahiyyətin verilməsi prosesi mərhələlərlə izah edilir.

2.1. Şirkətin rəhbəri “Elektron Hökumət” (www.e-gov.az) portalına daxil olur (şək.1).

Sekil1

2.2. İstifadəçi girişini “Asan İmza” vasitəsilə həyata keçirir (şək.2)

Screen Shot 2

2.3. “Asan İmza” ilə giriş zamanı “Mobil nömrə” və “İstifadəçi ID-si” daxil edilir (şək.3)

Screen Shot 3

2.4. Sistem tərəfindən mobil telefona gələn “təhlükəsizlik kodu” ilə Portaldakı kod müqayisə edilir, uyğun gəldikdə “Asan İmza PİN1” ilə təsdiq edilir (Şək.4).

Screen Shot 4

2.5. Portalın yuxarı hissəsində mövcud şirkətin nümayəndə rolu seçilir (Şək.5).

Screen Shot 5

2.6. Növbəti addımda Portaldan “E-xidmətlər” (Şək.6), daha sonra isə Əmək və Əhalinin Sosial Müdafiəsi Nazirliyinin “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” xidməti seçilir (Şək.7).

Sekil2_1

Sekil6

2.7. Açılan pəncərədə “Əmək müqaviləsini bağlamaq səlahiyyəti olan şəxslər” pəncərəsində rəhbər şəxs ilk olaraq özünə səlahiyyət verməlidir (Şək.8). Bu səlahiyyəti əldə edən rəhbər şəxs lazım olduqda bildirişlərin daxil edilməsini özü həyata keçirə bilər. Əks halda növbəti addım yerinə yetirilməlidir.

Screen Shot 8.1 -

2.8. Növbəti addımda “Əmək müqaviləsi bildirişlərinin daxil edilməsi üçün səlahiyyətlərin verilməsi” bölməsini qeyd edir (Şək.9).
QEYD: Prosesi icra edəcək səlahiyyətli nümayəndə dəyişmədikcə rəhbər şəxs bu prosesi bir dəfə həyata keçirir.

Screen Shot 9.1 -

2.9. Açılan pəncərədə qeydiyyatdan keçiriləcək səlahiyyətli nümayəndənin məlumatları, həmçinin etibarnamənin müddətli və ya müddətsiz olduğu qeyd edilir (Şək.10).

Screen Shot 8

3. Səlahiyyətli tərəfindən “Asan İmza” vasitəsilə Əmək müqaviləsi bildirişlərinin qeydiyyata alınması prosesi

3.1. Bu bölmədə “Asan İmza” vasitəsilə Əmək müqaviləsi bildirişlərinin qeydiyyata alınmasını həyata keçirmək üçün şirkətin rəhbəri tərəfindən təyin olunan səlahiyyətli nümayəndənin iş prosesi mərhələlərlə izah edilir.

3.2. İlk olaraq səlahiyyətli nümayəndə yuxarıda qeyd olunan proseslərə uyğun olaraq Asan İmza vasitəsi ilə Portala daxil olur, mövcud şirkətin nümayəndə rolunu qeyd edir və Əmək və Əhalinin Sosial Müdafiəsi Nazirliyinin “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” xidmətini seçir. Bundan sonra növbəti mərhələdə səlahiyyətli nümayəndə əməkdaşların Əmək müqaviləsi bildirişləri haqqında məlumatları daxil etmək üçün “Əmək müqaviləsinin bağlanılması ilə bağlı Əmək Müqaviləsi Bildirişinin daxil edilməsi” bölməsini seçir (Şək.11).

Screen Shot 11.1-

3.3. Açılan pəncərədə səlahiyyətli şəxs Əmək və Əhalinin Sosial Müdafiəsi Nazirliyinin tətbiq etdiyi qaydalara əsasən əməkdaşların məlumatlarını daxil edərək Bildirişləri imzalayır.
3.4. Səlahiyyətli nümayəndə əvvəlki prosesdə daxil olunmuş məlumatları yoxlamaq və imzalanmamış bildirişləri Asan İmza vasitəsilə imzalamaq üçün “Əmək Müqaviləsi Bildirişinin reyestri” bölməsinə daxil olur (Şək.12).

Screen Shot 12.1 -

3.5. Açılan pəncərədə imzalanacaq bildirişi seçərək “Bildirişi imzala” düyməsini qeyd edir (Şək.13).

Screen Shot 10

3.6. Bu zaman imzalamaq üçün sistemin səlahiyyətlinin mobil telefonuna göndərdiyi “təhlükəsizlik kodu” ilə Portaldakı kod müqayisə edilir, uyğun gəldikdə “Asan İmza PİN2” ilə təsdiq edilir (Şək.14).

Screen Shot 11

3.7. Təsdiqləndikdən sonra sistem Bildirişin müvəffəqiyyətlə imzalanması haqqında məlumat verir (Şək.15).

Screen Shot 12

3.8. Bildiriş imzalandıqdan sonra imzalama statusu dəyişilir və imzalama tarixi ilə birlikdə reyestrdə əks olunur (Şək.16).

Screen Shot 13

3.9. Səlahiyyətli nümayəndə lazım olduqda imzalanan faylı ADoc, PDF formatlarında yükləmək və çap etmək imkanına da malik olur (Şək. 17, 18).

Screen Shot 14

Screen Shot 17

Siyahıya qayıt